تؤکدوکجه قانیمی اوخون اول آستان ایچر

بیر یئرده­یم اسیر کی توپراغی قان ایچر

                                                                        حضرت فضولی

 خوش گؤردوک، اتّهام!

سعید موغانلی

ایش بئله­دیر؛ گؤرورسنسه سئویلیرسن، سؤیولورسن، اتّهاملانیرسان، مین جوره بهتان و سئوگی اوخونا توش گلیرسن!

گؤرمورسنسه هئچ زاد… اؤلوم ایله یاشامین بیریجیک فرقی بودور بیزجه…

بیر ادبیاتچی یازیرسا واردی، یازیلانلارا اعتراض ائدیرسه یاشاییر، کسگین تنقیدلره دؤزورسه یارادیر دئمک.

یاراتماق یاشاماقدی دئمیش، بختیار دده…

یازمیرسانسا هئچ زاد… بوش بوغازلیقدان نه چیخار کی…

حضرت فضولی یازیبسا واردی، سهند-ساهیر-سحر یازیبلارسا یاشاییرلار…

برتولت برشت، کافکا، آنار، مارکئز، پاموق، آتیلا ایلحان کیمدیلر کی اثرلریندن باشقا…

مارکئز یانی «یوز ایل یالقیزلیق»

آنار یانی «هوتئل اوتاغی-ندا واهیمه»

پاموق دئییل او! اونون آدی قیرمیزی-دیر! داوامی

اؤنمسیز اون دقیقه­لردن بیری

حامد احمدی

میطباخین چیراغی یانیردیسا کیمسه اوردا یوخ ایدی. ایشیق گؤزلرینی قاماشدیردی. یادینا دوشدو بیر دفعه ده سینامادان چیخاندا بئله اولموشدو. گؤزلرینی نئچه آنلیق یوموب یخچله ساری گئتدی. ایچی بوش اولسایدی دا قاپیسیندا گؤیلون ایسته­ین قدر یازی-پوزو وار ایدی. بیرینده یازمیشدی «همسرتان را تحقیر و از او عیبجویی نکنید.» اونون کناریندا دا آروادی «کیمدی ائشیدن؟!» یازمیشدی. سوآل علامتینی چوخ گؤزل چکمیشدی. گؤزل گیرده و ایری ایدی. پارچی گوتوروب دؤرد دنه لهستان صندل­لرینین بیرینین اوستونده اوتوردو. اونلاری بارناوادا بیر سیمساردان آلمیشدی. اپریمیش قوجا بیر کیشیدن. قیمتینین اوستونده چوخ برکیشمیشدی اونا گؤره ده داها قوجا کیشی­لردن جینس آلماقدان چکینیردی. آدام یاشا دولدوقجا بیر آز دیرناقسیزلاشار سؤزونو نم هاردا اوخوموشدو. داوامی

صرب یازار برانیسلاو نوشیج ۱۸۶۴-ده بلگراد شهرینده بیر مالی­باتمیش عایله­ده دونیایا گلدی. او عؤمور بویو هر ایشه قول قویدوقدان سونرا ادبیاتا اوز گتیریب اؤز آدینی صربستانین ادبیاتیندا ثبت ائتدی. اونون تنقیدی و آجی یازیلاری یاشادیغی زامانین توپلومونون سیخینتی­لار و چتینلیکلرینی اوزه چکیردی. اونونلا چاغداش یازارلار اونا “ساتیرانین بؤیوک آللاهی” آدی وئرمیشدیلر. نوشیج ۱۹۳۸-ده چوخلو اثرلر درام، ناول و حیکایه ژانرلاریندا یازاندان سونرا دونیادان گئتدی.

اوخودوغونوز حیکایه­ده ۱۳۴۰-دا “کتاب هفته” درگیسینده اونون فارسجا ترجومه­سیندن ” فیل در پرونده” عونوانیندا چوخ فایدالانمیشام. 

قوولوغا سانجاقلانمیش فیل

برانیسلاو نوشیچ

حامد احمدی

” ک” شهری مین سکگیز یوز نفر جمعیت، آلتی کوچه، اوچ کئشیش، یئددی قهوه­خانا، بیر بخشدار، ایکی موتئل، اون یئددی دول آرواد، اوچ معلم، ایکی معلمه، بیر شهرین شورا رئیسی، ایکی بازار، دؤرد سیاسی حزب و سایره­یه صاحیبدی.

احتمالن بیر عده یازیچینی بو توریست­لرین راهنما کیتابی یوخسا جغرافی کیتابینا اوخشار باشلانیشا گؤره دانلاسینلار، بو دانلاماقدان قاچماق اوچون آیری جزئیاتدان گؤز یوموب ” ک” شهرینده اوز وئرن عجیب حیکایه­نی تعریفله­مه­یه باشلایاق.

داوامی

تاناتوس مهمانخاناسی[۱]

آندره مورویا[۲]

چئویرن: هاملئت قوجا

- “ایستیل” سَهامی نئچه‌یه دوشوب؟ – ژان مونی[۳] سوروشدو.

- اللی دوققوز دؤردده بیره – دئیه اون ایکی تایپیستدن بیری جاواب وئردی.

تایپ ماشین­لارینین تاققیلتیسی بیر- بیرینه قاریشیب، جاز ریتمینی اوتاغا دولدوروردو. پنجره‌دن منهتن­[۴]ـین بؤیوک بینا‌لاری گؤرونوردو. تئلئفون‌لار جینگیلدییر، خبرلر، رقم‌لر، چاپ اولونموش کاغیذ لئنت‌لر بیر گؤز قیرپیمیندا قیوریلیب اوزانیر، اوتاغین ایچینده قالاقلانیردی.

داوامی

[   دیکتا... تور... وم   ]

سعید موغانلی

آذر ۱۳۸۸

سن یوخسان

سنسیز لحظه لر «کیشی مجلیسی»

سنسیز قادینلار «شبستان» یوکو

سنسیز، یاشاسین انتحار

سنــــنن ائروتیک ساعاتلار یئریمیر ایندی

سن – سیز …  - بویورون یوخاری باشدان اَیله شین خاتین

من – سیز ، نه خوش رنگی وار لیفچییینیزین

اللریز پامبیقلیق کیمی دیر

ساچلاریز ساری سونبوللوک

شَهَرلی شاعیرین بَنزَتمه سییــنن

                  -«مرسدس ترافیکی!

                     اودکُلن سرخوشلوغو…»

نییه دوداقلاریز قایسی قاسناغی دیر؟

ماتیک کی باهالاشماییب!..

یا کی سورولماسین دئییرسن

سورمارام، یانی سوروشمارام  دَه ه ه ه…

داوامی

یاشماق: آشاغیداکی اؤیکوجوک­لر، ـ هله ایشیق اوزو گؤرمه­میش ـ دوخسان دوققوز اؤیکوجوکدن اولوشان “بیر، ایکی، اوچ” باشلیقلی کیتابچادان سئچیلیب­دیر. سایین رضا کاظمی­­نین قلمی ایله آنا دیلیمیزه چئوریلمیش بو کیتابچانین تئزلیک­له چاپ اوچون مجوز آلماغینی آرزولایاراق، اوندان سئچیلمیش آشاغیداکی یازییلا حیکایه­جیک­لری بیرلیکده اوخویوروق:

  داوامی